|
|
|
|
|
|
| ЗАВРШНА ПРЕЗЕНТАЦИЈА НА ПРОЕКТОТ „ДРВЕНИ КУЌАРКИ, КРЕАТИВНО!“ |
|
|
| Во изработката на проектот финансиран од Општина Гази баба, а поддржан од УКИМ-ШФС учествуваа студенти-членови на ДРЕН, здружение на студентите на Шумарскиот факултет во Скопје. |
|
| На 1 март, во амфитеатарот на Шумарскиот факултет во Скопје се одржа завршна презентација на проектот „Дрвени куќарки, креативно“. |
|
| Пред присуство на претставници на управата на УКИМ Шумарски факултет во Скопје и општина Гази Баба, како и пред голем број на гости од струкови институции и организации, студенти и заинтересирани граѓани, свое обраќање имаа раководителот на проектот и претседател на ЗСШФ-ДРЕН, Благој Николов и Марија Стерјовска, студент-член на ДРЕН. Поздравно обраќање имаше деканот на УКИМ-ШФС, проф. д-р Александар Трендафилов, а г-ѓа Александра Димитриевска Аврамовска и г-ѓа Емилија Ѓурчиновска од општина Гази Баба истакнаа дека успесите на ДРЕН се и успеси на Општината, односно заеднички придонес кон унапредување и заштина на животната средина. |
|
| Целта на овој проект е облагородување на дендропаркот од аспект на заштита на орнитофауната на паркот и грижа за уникатниот екосистем, како дел од урбаното зеленило на општината Гази Баба, а воедно и на градот Скопје. Дендропаркот, како единствен ваков парк на дрвенести растенија во Република Македонија претставува жива збирка на дрвја, грмушки и ползавци и во моментов брои околу 200 различни видови, поради што се нарекува и урбана планетарна шума. Проектот опфаќа изработка на пет дрвени куќарки за птици кои се поставени во дендропаркот на УКИМ Шумарски факултет во Скопје. |
|
| Проектот претставуваше одлична можност за идните шумарски инженери да се запознаат со начинот на подготовка и изработка на проекти и да се стекнат со одредено работно искуство во текот на студирањето. |
|
| Овој проект се реализира со помош на средства обезбедени од страна на општината Гази Баба, со стручна и логистичка поддршка од страна на Шумарскиот факултет во Скопје при Универзитетот „Св. Кирил и Методиј“ во Скопје. |
|
|
|
|
|
|
|
|
|
|
|
|
|
|
